भजनसंग्रह 149

Nepali Bible: Easy-to-Read Version

¹ परमप्रभुको प्रशंसा गर।

परमप्रभुले रच्नु भएको नयाँ कुराहरूको बारेमा नयाँ गीत गाऊ!
    महासभामा उहाँको प्रशंसा गर जहाँ उहाँका चेलाहरू आपसमा भेला हुँदछन्।
² इस्राएल का मानिसहरूले आफ्नो सृष्टिकर्तामा आनन्दित होऊन्।
    सियोनका मानिसहरू आफ्ना राजा सहित प्रफुल्लित होऊन्।
³ ती मानिसहरूले नाच्दै खैंजडी र वीणाहरू बजाँउदै,
    परमप्रभु परमेश्वरको प्रशंसा गरून्।
⁴ परमप्रभु उहाँका मानिसहरूसँग खुशी हुनुहुन्छ।
    परमेश्वरले आफ्ना नम्रहरूको लागि आश्चर्यजनक कामहरू गर्नुभयो।
    उहाँले तिनीहरूलाई बचाउनु भयो!
⁵ हे परमेश्वरका चेलाहरू! आफ्नो विजयमा प्रफुल्लित होऊ।
    सुत्न गइसके पश्चात् पनि खुसी होऊ।

⁶ मानिसहरूले चिच्याउँदै, कराउँदै परमप्रभुको प्रशंसा गरून्
    अनि आफ्ना तरवारहरू हातमा लिऊन्।
⁷ आफ्ना शत्रुहरूलाई सजाई दिन तिनीहरूलाई जान देऊ।
    ती मानिसहरूलाई दण्ड दिन, तिनीहरूलाई जान देऊ।
⁸ परमेश्वरका मानिसहरूले ती राजा,
    र प्रमुख मानिसहरूलाई साङ्गलाले बाँध्नेछन्।
⁹ परमेश्वरका मानिसहरूले तिनीहरूलाई दण्ड दिनेछन्
    परमेश्वरले गर्नु भएको आज्ञा जस्तै,
    परमेश्वरका सारा भक्तजनहरूले उहाँलाई सम्मान गर।

परमप्रभुको प्रशंसा गर!