भजनसंग्रह 132

Nepali Bible: Easy-to-Read Version

⁶ एफ्रातामा हामीले त्यसको विषयमा सुनेका थियौं।
    हामीले किरियथ-योरीम भन्ने ठाउँमा करार पत्रको बाकस पायौ,
⁷ अब, पवित्र पालतर्फ जाऊँ,
    त्यस पाऊदानलाई पूजौं जहाँ परमप्रभुले आफ्ना खुट्टाहरू राख्नुहुन्छ।
⁸ परमप्रभु, आफ्नो विश्राम गर्ने ठाउँबाट उठ्नुहोस्।
    हे परमप्रभु! तपाईंको शक्तिशाली सन्दूकसित उठ्नु होस्।
⁹ हे परमप्रभु, तपाईंका पूजाहारीहरू धार्मिकताको पोशाकमा छन्,
    तपाईंका भक्तजनहरू आनन्दित छन्।
¹⁰ तपाईंको आफ्ना असल दास दाऊदको निम्ति,
    आफूले रोजेका राजालाई रद्द नगर्नुहोस्।
¹¹ परमप्रभुले दाऊदप्रति एक प्रतिज्ञा गर्नु भएथ्यो।
परमप्रभुले दाऊदप्रति विश्वासी रहन्छु भनी प्रतिज्ञा गर्नु भएको थियो।
    परमप्रभुले वचन दिनु भएको थियो कि,
    दाऊद कै परिवारबाट राजाहरू आउने छन्।
¹² परमप्रभुले भन्नुभयो, “दाऊद, यदि तिम्रा नानीहरूले मेरो करार,
र मैले सिकाएको नियमहरू पालन गरे भने,
    तिम्रो परिवारबाट कोही एकजना सधैँ राजा हुनेछ।”

¹³ परमप्रभुले आफ्नो मन्दिरको लागि सियोन भन्ने ठाउँ रोज्नु भयो।
    त्यही ठाउँमा नै उहाँले आफ्नो घर बनाउन चाहनु भयो।
¹⁴ परमप्रभुले भन्नुभयो, “यो सदा-सर्वदाको लागि मेरो ठाउँ हुनेछ।
    यो ठाउँ मैले रोजें जहाँ म हुने छु।
¹⁵ म यस शहरलाई प्रशस्त खाद्य-प्रदार्थले पूर्ण रहोस् भनेर आशिष दिनेछु।
    गरीब भन्दा गरीब मानिसले पनि खानलाई प्रशस्त पाउने छ।
¹⁶ म उनको पूजाहारीहरूलाई पनि उद्धारको वस्त्र पहिर्याउनेछु।
    अनि मेरा भक्तजनहरू त्यहाँ अत्यन्त खुशी हुनेछन्।
¹⁷ म दाऊदको परिवारलाई बलियो पार्नेछु,
    यस ठाउँमा मैले आफूले रोजेका राजाको निम्ति एक,
    बत्तीको नियुक्त गरेको छु।
¹⁸ म दाऊदका शत्रुहरूलाई लाज र शर्ममा ढाकि दिनेछु
    तर दाऊदको राज्यलाई उत्तरोत्तर बढाई दिनेछु।”