प्रकाश 18

Nepali Bible: Easy-to-Read Version

“उसको संहार भयो!
    बेबिलोन महानगर संहार भयो!
ऊ अशुद्ध आत्माको बासस्थान बनियो।
    ऊ हरेक दुषित आत्मा बस्ने स्थान बनियो।
    ऊ सबै किसिमका अस्वच्छ पंक्षीहरू बस्ने नगर बनियो।
    ऊ हरेक अस्वच्छ औ घृणित पशुहरूको नगर बनियो।
³ पृथ्वीका समस्त राष्ट्रहरूले उसको व्यभिचारको
    अनि परमेश्वरको प्रकोपको दाखरस पिएका छन्।
पृथ्वीका राजाहरूले उसित व्यभिचारी पाप गरेकाछन्।
    अनि संसारका व्यापारीहरू उसको भोग विलासको सम्पतिबाट धनी बनेका छन्।”

“मेरा मानिसहरू, त्यस नगरबाट बाहिर निस्क,
    जसद्वारा तिमी उसको पापमा सहभागी हुने छैनौ।
    तब उमाथि थोपरिएको कुनै पनि कष्ट तिमीले भोग्नु नपरोस्।
⁵ त्यो नगरको पाप आकाश सम्म थाक लागेको छ।
    त्यसले गरेको अपराध परमेश्वरले बिर्सनु भएको छैन।
⁶ उसले जस्तो गरेकी थिई, ठीक त्यही गर,
    यसले जति गरेको छ त्यसको दोब्बर उसलाई देऊ।
उसले अरूलाई जस्तो दाखरस तयार पारेकी थिई,
    त्यो भन्दा दोब्बर शक्ति भएको दाखरस तयार पार।
⁷ त्यसले स्वयंलाई अधिक गौरव अनि वैभव दिई।
    उसलाई त्यतिकै यातना अनि उदासीपन देऊ।
ऊ आफैंले भन्छे, ‘म सिंहासनमा बसेकी रानी हुँ,
    म विधवा होइन,
    मैले कहिल्यै दु:ख अनुभव गरिनँ।’
⁸ यसर्थ यी कष्टहरू उमाथि आउनेछन्,
    मृत्यु, शोक, अनि अनिकाल,
किनभने परमप्रभु परमेश्वर शक्तिशाली हुनुहुन्छ,
    जसले न्याय गर्नु हुनेछ यसर्थ तिनलाई आगोले नष्ट गरिनेछ।”

‘हे! शक्तिशाली नगर बेबिलोन!
    दु:खै-दु:ख होस्! तिमीलाई
एक घण्टा भित्रैमा तिमीले सजाय पायौ।’

¹⁴ ‘हे बेबिलोन, तिम्रो इच्छाका आकर्षित बस्तुहरूले, तिमीलाई त्यागे,
तिम्रो विलासी अनि बहुमूल्य बस्तुहरू अल्पिए।
    तिमीले ती बस्तुहरू फेरि कहिल्यै पाउने छैनौ।’

‘कष्ट! कष्ट महानगरलाई,
    ऊ मिहीन मलमल, बैजनी,
    अनि रातो बस्त्रको पहिरनमा थिई।
    ऊ सुन, रत्न अनि मोतीहरूद्वारा चम्किकरहेकी थिई!
¹⁷ यी सबै वैभवहरू घण्टा भरमा ध्वंस भयो!’

‘कष्ट! महानगरको निम्ति कति कष्ट!
    सबै मानिसहरू जसका समुद्रमा जहाजहरू थिए, उसको सम्पत्तिद्वारा धनवान भए!
    तर घण्टा भरमा त्यसको ध्वंस भयो।
²⁰ हे स्वर्ग! उसलाई जे भयो, त्यसको निम्ति खुशी होऊ!
    खुशी बन, परमेश्वरका पवित्र मानिसहरू प्रेरितहरू अनि अगमवक्ताहरू।
किनभने परमेश्वरले त्यसको व्यवहारको निम्ति दण्ड दिएका छन्।’”

“महानगर बेबिलोन यसरी नै फ्याँकिइने छ।
    अनि फेरि कहिल्यै पाइनेछैन।
²² वीणा अनि अरू वाद्य यन्त्र जस्तै बाँसुरी
    अनि तुरहीहरूबाट कहिल्यै मानव सँगीत सुनिनेछैनन्।
तेरोमा फेरि कुनै व्यवसायको
    कर्मी पाइने छैन।
तेरोमा कहिल्यै जाँतोको
    आवाज सुनिने छैन।
²³ तेरोमा बत्तीको ज्योति
    फेरि कहिल्यै चम्कने छैन।
वेहुला-वेहुलीको स्वर
    तेरोमा सुनिने छैन।
तेरा व्यापारीहरू संसारका महा-मानवहरू थिए,
    समस्त राष्ट्रहरू तेरो जादू-टुना मुनाले छलिएका थिए।
²⁴ अगमवक्ताहरू अनि परमेश्वरका पवित्र मानिसहरू अनि सबै मानिसहरू जो पृथ्वीमा मारिएकाछन्,
    तिनीहरूको रगतको दोषी छ बेबिलोन।”