گۆرانی گۆرانییەکان 4

Kurdi Sorani Standard

⁸ بووکێ، لەگەڵ من لە لوبنانەوە وەرە،
    لەگەڵ من لە لوبنانەوە وەرە.
لە لووتکەی چیای ئەماناوە وەرە خوارەوە،
    لە سەری سنیرەوە کە لووتکەی حەرمۆنە،
لە لانەی شێرانەوە،
    لە چیای پڵنگانەوە.
⁹ ئازیزەکەم، بووکێ، دڵی منت ڕفاندووە،
    بە تیلەی چاوت دڵت ڕفاندووم،
    بە موورووێکی ملوانکەکەت.
¹⁰ ئەوینت چەند جوانە، بووکی ئازیزم،
    ئەوینت چەند لە شەراب خۆشترە،
    بۆنی عەترەکەشت لە هەموو بۆنوبەرامێک.
¹¹ لێوەکانت شانەی هەنگوینیان لێ دەتکێت، بووکێ،
    شیر و هەنگوین لەژێر زمانتە!
    بۆنی جلوبەرگت وەک بۆنی لوبنانە.
¹² باخچەیەکی داخراوە! بووکی ئازیزم،
    سەرچاوەیەکی داخراوە، کانییەکی مۆرکراوە!
¹³ نەمامەکانت باخی هەنارن
    لەگەڵ بەروبوومی هەڵبژاردە،
    خەنە و ناردین،
¹⁴     ناردین و کارکۆم^[a]،
    قامیشی بۆنخۆش و دارچین،
    لەگەڵ هەموو جۆرە دار بخوورێک،
    موڕ و ئەلوا^[b]
    لەگەڵ هەموو بۆنوبەرامەکان.
¹⁵ تۆ سەرچاوەی باخچەکانیت،
    بیری ئاوی لەبەر ڕۆیشتووی،
    لێشاوە لە لوبنان دێتە خوارێ.