زبُور 31

Urdu Bible: Easy-to-Read Version

31 اے خداوند! میں تجھ پر منحصر ہوں۔
    مجھے مایوس مت کر۔ مجھ پر مہربا نی کر اور میری حفا ظت کر۔
²     اے خدا میر ی سن،
    اور تو فوراً آکر مجھ کو بچا لے۔
میری چٹّان ہو جا۔ میری محفوظ پناہ گا ہ ہوجا ،
    میرا قلعہ ہوجا۔ میری حفا ظت کر!
³ اے خدا ، تو میری چٹّان ہے اور قلعہ ہے۔
    اس لئے اپنے نام کی خاطر میری رہبری اور رہنما ئی کر۔
⁴ میرے لئے دشمنوں نے جال پھیلا یا ہے۔ اُن کے پھندے سے تُو مجھ کوبچا لے۔
    کیوں کہ تو میری محفوظ پناہ گا ہ ہے۔
⁵ اے خداوند خدا! میں تجھ پر بھروسہ کر سکتا ہوں۔
    میں اپنی جان تیرے ہا تھ میں سونپتا ہوں۔
    میری حفا ظت کر۔
⁶ میں ان لوگوں سے نفرت کر تا ہوں جو جھو ٹے خداؤں کی پرستش کر تے ہیں۔
    میں تو بس معبود پر ایمان رکھتا ہوں۔
⁷ اے خدا! تیری مہربا نی مجھ کو بے حد مسرُور کر تی ہے تو نے میرے دکھوں کو دیکھ لیا
    اور تُو میری مصیبتوں کے بارے میں جانتا ہے۔
⁸ توُ میرے دُشمنوں کو مجھ پر حا وی ہو نے نہیں دیگا۔
    توُ مجھ کو اُن کے پھندوں سے چھڑا ئے گا۔
⁹ اے خداوند! مجھ پر کئی مصیبتیں ہیں ۔پس مجھ پر مہربانی کر۔
    میں اتنا پریشان ہوں کہ میری آنکھوں میں درد ہورہاہے۔
    میرے گلے اور پیٹ میں درد ہو رہا ہے۔
¹⁰ میری زندگی کا خاتمہ درد میں ہو رہاہے۔
    میرے سال آہوں میں ختم ہو رہے ہیں۔
میری مصیبتیں میری طاقت کو لے رہی ہے۔
    میری قوّت میرا ساتھ چھوڑ تی جا رہی ہے۔
¹¹ میرے دشمن مجھ سے نفرت کر تے ہیں۔
    میرے تمام پڑوسی بھی مجھ سے نفرت کر تے ہیں۔
میرے سبھی جان پہچان وا لے مجھ کو راہ میں دیکھ کر مجھ سے ڈر جاتے ہیں۔
    اور مجھ سے وہ سب کترا تے ہیں۔
¹² مجھ کو لوگ پو ری طرح سے بھول چکے ہیں۔
    جیسے ایک کھو یا ہوا اوزار ہوں۔
¹³ میں اُن بہتان کو سنتا ہوں جو لوگ میرے بارے میں کہتے ہیں
    وہ سبھی لوگ میرے خلا ف ہو گئے ہیں۔ وہ مجھے مارڈالنے کے منصوبے بنا تے ہیں۔