زبُور 101

Urdu Bible: Easy-to-Read Version

101 میں شفقت اور عدل کا گیت گاؤں گا۔
    اے خداوند! میں تیری مدح سرائی کروں گا۔
² میں نہا یت احتیاط سے پاک زندگی جیوں گا۔
    میں اپنے گھر میں پاک زندگی جیوں گا۔
    اے خداوند تو میرے پاس کب آئے گا ؟
³ میں اپنے آگے کو ئی مورتیاں ^[a] نہیں رکھوں گا۔
    جو لوگ اِس طرح تجھ سے بدلتے ہیں مجھے اُن سے نفرت ہے۔
    میں کبھی بھی ایسا نہیں کروں گا۔
⁴ میں وفادار رہوں گا۔
    میں بُرے کام نہیں کروں گا۔
⁵ اگر کو ئی شخص درپردہ اپنے ہمسایہ کی غیبت کرے
    تو میں اسے ڈانٹ ڈپٹ کروں گا۔
میں لوگوں کو مغرور بننے نہیں دوں گا، اور میں انہیں سوچنے نہیں دوں گا
    کہ وہ دوسرے لوگوں سے بہتر ہیں۔
⁶ میں سارے ملک میں ایماندار لوگوں کو ڈھونڈوں گا۔
    اور میں صرف اُن ہی لوگوں کو اپنے لئے کام کر نے دوں گا۔
صرف ایسے لوگ میرے خدمت گار ہو سکتے ہیں
    جو پاک زندگی جیتے ہیں۔
⁷ میں اپنے گھر میں ایسے لوگوں کو رہنے نہیں دوں گا، جو جھوٹ بولتے ہیں۔
    میں جھو ٹوں کو اپنے قریب آ نے نہیں دوں گا۔
⁸ میں ان شریروں کو ہمیشہ نیست ونابود کروں گا ، جو اِس ملک میں رہتے ہیں۔
    میں اُن شریرلوگوں پر دباؤ ڈالوں گا کہ وہ خداوند کے شہر کو چھوڑ دے۔