Mateo 27:57-61

Magandang Balita Biblia

Ang Paglilibing kay Jesus^(A)

⁵⁷ Pagsapit ng dilim, dumating si Jose, isang mayamang taga-Arimatea na tagasunod din ni Jesus. ⁵⁸ Hiningi niya kay Pilato ang bangkay ni Jesus, kaya't iniutos ni Pilato na ibigay ito kay Jose. ⁵⁹ Nang makuha na ang bangkay, binalutan niya ito ng malinis na tela ng lino. ⁶⁰ Inilagay niya ito sa kanyang bagong libingan na ipinauka niya sa bato. Pagkatapos, iginulong niya sa pintuan ang isang malaking batong panakip, at saka umalis. ⁶¹ Naroon sina Maria Magdalena at ang isa pang Maria na nakaupo sa tapat ng libingan.