⁸ Iparinig mo sa akin ang iyong kagandahang-loob ^(A)sa kinaumagahan;
Sapagka't sa iyo ako tumitiwala:
^(B)Ipabatid mo sa akin ang daan na aking dapat lakaran;
Sapagka't itinaas ko ang aking kaluluwa sa iyo.
⁹ Iligtas mo ako, Oh Panginoon, sa aking mga kaaway:
Tumatakas ako sa iyo upang ikubli mo ako.
^10 (C)Turuan mo akong gumawa ng iyong kalooban;
Sapagka't ikaw ay aking Dios:
^(D)Ang iyong Espiritu ay mabuti;
Patnubayan mo ako ^(E)sa lupain ng katuwiran.

⁸ Sa umaga'y iparinig sa akin ang iyong tapat na pag-ibig,
    sapagkat sa iyo ako ay nananalig.
Ang daan na dapat kong lakaran sa akin ay ituro mo,
    sapagkat itinataas ko ang aking kaluluwa sa iyo.
⁹ Iligtas mo ako sa aking mga kaaway, O Panginoon,
    tumakas ako patungo sa iyo upang manganlong.
¹⁰ Turuan mo akong gawin ang iyong kalooban,
    sapagkat ang aking Diyos ay ikaw!
Akayin nawa ako ng iyong mabuting Espiritu
    sa landas na pantay!