5 Ang sinomang nananampalataya na ^(A)si Jesus ay siyang Cristo ^(B)ay ipinanganak ng Dios: at ^(C)ang bawa't umiibig sa nanganak ay umiibig din naman sa ipinanganak niyaon.

² Dito'y ating nakikilala na tayo'y nagsisiibig sa mga anak ng Dios, pagka tayo'y nagsisiibig sa Dios at tinutupad natin ang kaniyang mga utos.

³ Sapagka't ^(D)ito ang pagibig sa Dios, na ating tuparin ang kaniyang mga utos: ^(E)at ang kaniyang mga utos ay hindi mabibigat.

⁴ Sapagka't ang sinomang ipinanganak ng Dios ay dumadaig sa sanglibutan: ^(F)at ito ang pagtatagumpay na dumadaig sa sanglibutan, sa makatuwid ay ang ating pananampalataya.

⁵ At sino ang dumadaig sa sanglibutan, kundi yaong nananampalatayang ^(G)si Jesus ay anak ng Dios?

⁶ Ito yaong naparito sa pamamagitan ng tubig at dugo, sa makatuwid ay si Jesucristo; ^(H)hindi sa tubig lamang, kundi sa tubig at sa dugo.

⁷ At ang Espiritu ang nagpapatotoo, ^(I)sapagka't ang Espiritu ay katotohanan.

⁸ Sapagka't may tatlong nagpapatotoo, ang Espiritu, ang tubig, at ang dugo: at ang tatlo ay nagkakaisa.

^9 (J)Kung tinatanggap natin ang patotoo ng mga tao, ay lalong dakila ang patotoo ng Dios, sapagka't ito ang patotoo ng Dios: ^(K)sapagka't ito papatotoo tungkol sa kaniyang Anak.

¹⁰ Ang nananampalataya sa Anak ng Dios ay ^(L)may patotoo sa kaniya: ang hindi nananampalataya sa Dios ^(M)ay ginagawang isang sinungaling ang Dios: sapagka't hindi sumampalataya sa patotoo na ibinigay ng Dios tungkol sa kaniyang Anak.

¹¹ At ito ang patotoo, na tayo'y binigyan ng Dios ng ^(N)buhay na walang hanggan, ^(O)at ang buhay na ito ay nasa kaniyang Anak.

^12 (P)Ang kinaroroonan ng Anak ay kinaroroonan ng buhay; ang hindi kinaroroonan ng Anak ng Dios ay hindi kinaroroonan ng buhay.

^13 (Q)Ang mga bagay na ito ay isinulat ko sa inyo, upang inyong maalaman na kayo'y mayroong buhay na walang hanggan, sa makatuwid ay sa inyong nananampalataya sa pangalan ng Anak ng Dios.

¹⁴ At ito ang nasa ating ^(R)pagkakatiwala sa kaniya, na kung tayo'y humingi ng anomang bagay na ^(S)ayon sa kaniyang kalooban, ay dinidinig tayo niya:

¹⁵ At kung ating nalalaman na tayo'y dinidinig niya sa anomang ating hingin, ay nalalaman natin na nasa atin ang mga kahilingang sa kaniya'y ating hiningi.

¹⁶ Kung makita ng sinoman na ang kaniyang kapatid ay nagkakasala ng kasalanang hindi ikamamatay, ay idalangin siya at ^(T)bibigyan siya ng Dios ng buhay, na ukol sa mga nagkakasala nang hindi ikamamatay. ^(U)May kasalanang ikamamatay: hindi tungkol dito ang sinasabi ko na idalangin niya.

¹⁷ Lahat ng ^(V)kalikuan ay kasalanan: at may kasalanang hindi ikamamatay.

¹⁸ Nalalaman natin na ang sinomang ipinanganak ng Dios ay hindi nagkakasala; ^(W)datapuwa't ang ipinanganak ng Dios ay nagiingat sa kaniyang sarili, at hindi siya ginagalaw ng masama.

¹⁹ Nalalaman natin na tayo'y sa Dios ^(X)at ang buong sanglibutan ay nakahilig sa masama.

²⁰ At nalalaman natin na naparito ang Anak ng Dios, at tayo'y binigyan ng pagkaunawa, upang ating makilala ^(Y)siya na totoo, at tayo'y nasa kaniya na totoo, sa makatuwid ay sa kaniyang Anak na si Jesucristo. Ito ang tunay na Dios, at ang ^(Z)buhay na walang hanggan.

²¹ Mga anak ko, ^(AA)mangagingat kayo sa mga diosdiosan.

Ang Ating Tagumpay sa Sanlibutan

5 Ang sinumang sumasampalataya na si Jesus ay siyang Cristo ay ipinanganak ng Diyos, at ang bawat umiibig sa magulang^[a] ay umiibig din naman sa anak.

² Dito'y ating nakikilala na iniibig natin ang mga anak ng Diyos, kapag iniibig natin ang Diyos at tinutupad natin ang kanyang mga utos.

³ Sapagkat^(A) ito ang pag-ibig sa Diyos, na ating tuparin ang kanyang mga utos at ang kanyang mga utos ay hindi pabigat.

⁴ Sapagkat ang sinumang ipinanganak ng Diyos ay dumadaig sa sanlibutan at ito ang tagumpay na dumadaig sa sanlibutan, ang ating pananampalataya.

⁵ Sino ang dumadaig sa sanlibutan, kundi ang sumasampalatayang si Jesus ang Anak ng Diyos?

Ang mga Patotoo sa Anak ng Diyos

⁶ Ito ang siyang naparito sa pamamagitan ng tubig at ng dugo, si Jesu-Cristo; hindi sa tubig lamang, kundi sa tubig at sa dugo. At ang Espiritu ang nagpapatotoo, sapagkat ang Espiritu ay katotohanan.

⁷ Sapagkat may tatlong nagpapatotoo:^[b]

⁸ ang Espiritu, ang tubig, at ang dugo; at ang tatlo ay nagkakaisa.

⁹ Kung tinatanggap natin ang patotoo ng mga tao, ay higit na dakila ang patotoo ng Diyos, sapagkat ito ang patotoo ng Diyos na siya'y nagpapatotoo tungkol sa kanyang Anak.

¹⁰ Ang sumasampalataya sa Anak ng Diyos ay may patotoo sa kanyang sarili. Ang hindi sumasampalataya sa Diyos ay ginagawa siyang sinungaling, sapagkat hindi siya sumampalataya sa patotoo na ibinigay ng Diyos tungkol sa kanyang Anak.

¹¹ At^(B) ito ang patotoo, na tayo'y binigyan ng Diyos ng buhay na walang hanggan at ang buhay na ito ay nasa kanyang Anak.

¹² Ang kinaroroonan ng Anak ay kinaroroonan ng buhay; ang hindi kinaroroonan ng Anak ng Diyos ay hindi kinaroroonan ng buhay.

Ang Buhay na Walang Hanggan

¹³ Ang mga bagay na ito ay isinulat ko sa inyo upang inyong malaman na kayo'y mayroong buhay na walang hanggan sa inyong nananampalataya sa pangalan ng Anak ng Diyos.

¹⁴ Ito ang ating kapanatagan sa kanya, na kung tayo'y humingi ng anumang bagay na ayon sa kanyang kalooban, tayo'y pinapakinggan niya.

¹⁵ At kung ating nalalaman na tayo'y pinapakinggan niya sa anumang ating hingin, nalalaman natin na natanggap natin ang mga kahilingang hinihingi natin sa kanya.

¹⁶ Kung makita ng sinuman ang kanyang kapatid na nagkakasala ng kasalanang hindi tungo sa kamatayan, ay idalangin siya at bibigyan siya ng Diyos ng buhay, na ukol sa mga nagkakasala ng hindi tungo sa kamatayan. May kasalanang tungo sa kamatayan, hindi tungkol dito ang sinasabi ko na idalangin ninyo.

¹⁷ Lahat ng kalikuan ay kasalanan, at may kasalanang hindi tungo sa kamatayan.

¹⁸ Alam natin na ang sinumang ipinanganak ng Diyos ay hindi patuloy na nagkakasala; subalit ang ipinanganak ng Diyos ay nag-iingat sa kanyang sarili, at hindi siya ginagalaw ng masama.

¹⁹ Alam natin na tayo'y sa Diyos at ang buong sanlibutan ay nasa ilalim ng kapangyarihan ng masama.

²⁰ At alam natin na naparito ang Anak ng Diyos at binigyan niya tayo ng pagkaunawa upang ating makilala siya na totoo; at tayo'y nasa kanya na totoo, sa kanyang Anak na si Jesu-Cristo. Ito ang tunay na Diyos, at buhay na walang hanggan.

²¹ Mga munting anak, lumayo kayo sa mga diyus-diyosan.^[c]