Salmo 26

Ang Pulong Sa Dios

26 Pamatud-i, Ginoo, nga wala akoy sala,
kay nagakinabuhi ako nga walay ikasaway
ug nagasalig ako kanimo sa walay pagduhaduha.
² Susiha ako, Ginoo;
susiha ang akong hunahuna ug kasingkasing.
³ Kay kanunay kong ginahinumdoman ang imong gugma,
ug nagakinabuhi ako nga matinumanon kanunay kanimo.
⁴ Wala ako makig-uban sa mga tawo nga limbongan ug tigpakaaron-ingnon.
⁵ Supak ako sa mga panagtigom sa daotang mga tawo.
Dili gayod ako makig-uban kanila.
⁶ Hugasan ko ang akong mga kamot sa pagpaila nga wala akoy sala.
Ug unya, molibot ako sa imong halaran sa pagsimba kanimo, Ginoo,
⁷ samtang nagaawit ako ug mga awit sa pagpasalamat,
ug nagasaysay sa tanan mong katingalahang mga binuhatan.
⁸ Ginahigugma ko ang templo nga ginapuy-an mo, Ginoo,
ang dapit diin makita ang imong pagkagamhanan.
⁹ Ayaw ako laglaga uban sa mga makasasala,
sama sa mga mamumuno.
¹⁰ Kanunay silang andam sa paghimo ug daotan ug mahilig sa suborno.
¹¹ Apan ako nagakinabuhi nga maligdong,
busa luwasa ako ug kaloy-i.