Nnwom 113

Nkwa Asem

Awurade nkamfo

113 Kamfo Awurade! Mo Awurade asomfo, monkamfo ne din! ² Wɔbɛkamfo ne din nnɛ ne daa nyinaa. ³ Monkamfo Awurade din mfi apui nkosi atɔe. ⁴ Awurade di aman nyinaa so; n’anuonyam boro ɔsoro so.

⁵ Obiara nni hɔ a ɔsɛ Awurade yɛn Nyankopɔn. Ɔte soro soro ⁶ nanso ɔbɔ ne mu ase hwɛ ɔsoro ne asase so. ⁷ Ɔma ahiafo so fi mfutuma mu. Oyi ahiafo fi wɔn hia mu ⁸ ma wɔbɛyɛ ahene mmabarima a wɔfra ne nkurɔfo mu nnamfo. ⁹ Odi obonini ni wɔ ne fi ma ɔwo mma ma n’ani gye. Kamfo Awurade!