Job 7

Ang Biblia (1978)

7 Wala bang ^(A)kapanahunan ng kaguluhan ang tao sa ibabaw ng lupa?
At hindi ba ang kaniyang mga kaarawan ay gaya ng mga kaarawan ng nagpapaupa?
² Na gaya ng alipin na ninanasang mainam ^(B)ang lilim,
At gaya ng nagpapaupa na tumitingin sa kaniyang mga kaupahan:
³ Gayon ako pinapagdaan ng mga ^(C)buwan na walang kabuluhan
At mga gabing nakaiinip ang itinakda sa akin.
^4 (D)Pag ako'y nahihiga, aking sinasabi,
Kailan ako babangon at nakadaan na ang gabi?
At ako'y puspos ng pagkabalisa hanggang sa pagbubukang liwayway ng araw.
⁵ Ang aking laman ay nabibihisan ng mga ^(E)uod at ng libag na alabok;
Ang aking balat ay namamaga at putok putok.
⁶ Ang aking mga kaarawan ay matulin kay sa ^(F)panghabi ng manghahabi,
At nagugugol na walang pagasa.
⁷ Oh ^(G)alalahanin mo na ang aking buhay ay hinga:
Ang aking mata ay hindi na makakakita pa ng mabuti.
⁸ Ang matang tumingin sa akin ay hindi na ako mamamasdan:
Ang iyong mga mata ay sasa akin, nguni't wala na ako.
⁹ Kung paanong ang ulap ay napapawi at nawawala,
Gayon siyang bumababa sa Sheol ay hindi na aahon pa.
¹⁰ Siya'y hindi na babalik pa sa kaniyang bahay,
Ni malalaman pa man niya ang ^(H)kaniyang dako.
¹¹ Kaya't hindi ko pipigilin ang aking bibig;
Ako'y magsasalita sa kadalamhatian ng aking diwa;
Ako'y dadaing ^(I)sa kahirapan ng aking kaluluwa.
¹² Ako ba'y isang dagat, o isang malaking hayop dagat,
Na pinababantayan mo ako sa isang bantay?
^13 (J)Pag aking sinasabi, Aaliwin ako ng aking higaan,
Papayapain ng aking unan ang aking karamdaman;
¹⁴ Kung magkagayo'y pinupukaw mo ako ng mga panaginip,
At pinangingilabot mo ako sa mga pangitain:
¹⁵ Na anopa't pinipili ng aking kaluluwa ang pagkainis,
At ang kamatayan kay sa aking mga butong ito.
^16 (K)Aking kinayayamutan ang aking buhay; di ko na ibig mabuhay magpakailan man:
^(L)Bayaan akong magisa; sapagka't ang aking mga kaarawan ay ^(M)walang kabuluhan.
^17 (N)Ano ang tao, na iyong palalakhin siya,
At iyong ilalagak ang iyong puso sa kaniya,
¹⁸ At iyong dadalawin siya ^(O)tuwing umaga,
At susubukin siya sa tuwi-tuwina?
¹⁹ Hanggang kailan di mo ako iiwan,
Ni babayaan man hanggang sa aking lunukin ang aking laway?
²⁰ Kung ako'y nagkasala, ano ang aking magagawa sa iyo, Oh ikaw na bantay sa mga tao?
Bakit mo nga ^(P)inilalagay akong pinakatanda sa iyo.
Na anopa't ako'y isang pasan sa aking sarili?
²¹ At bakit hindi mo ipinatatawad ang aking pagsalangsang, at inaalis ang aking kasamaan?
Sapagka't ngayo'y mahihiga ako sa alabok;
At ^(Q)ako'y hahanapin mong mainam, nguni't wala na ako.