Font Size
Iob 25
Biblia Sacra Vulgata
Iob 25
Biblia Sacra Vulgata
25 Respondens autem Baldad Suhites, dixit:
2 Potestas et terror apud eum est, qui facit concordiam in sublimibus suis.
3 Numquid est numerus militum ejus? et super quem non surget lumen illius?
4 Numquid justificari potest homo comparatus Deo? aut apparere mundus natus de muliere?
5 Ecce luna etiam non splendet, et stellae non sunt mundae in conspectu ejus:
6 quanto magis homo putredo, et filius hominis vermis?
Biblia Sacra Vulgata (VULGATE)