Font Size
स्तोत्रसंहिता 114
Marathi Bible: Easy-to-Read Version
स्तोत्रसंहिता 114
Marathi Bible: Easy-to-Read Version
114 इस्राएलने मिसर देश सोडला.
याकोबाने (इस्राएल) तो परका देश सोडला.
2 यहुदा त्याचे निवडक राष्ट्र बनले इस्राएल त्याचे राज्य झाले.
3 लाल समुद्राने हे पाहिले आणि तो पळून गेला.
यार्देन नदी वळली आणि पळाली.
4 पर्वत मेंढ्यांसारखा नाचला.
टेकड्या कोकरासारख्या नाचल्या.
5 लाल समुद्रा, तू का पळून गेलास?
यार्देन नदी तू का वळलीस आणि का पळून गेलीस?
6 पर्वतांनो तुम्ही मेंढ्यांसारखे का नाचलात?
आणि टेकड्यांनो तुम्ही कोकरासारखे का नाचलात?
7 पृथ्वी प्रभुसमोर, याकोबाच्या
देवासमोर थरथर कापली.
8 देवानेच खडकातून पाणी वहायला लावले.
देवानेच कठीण खडकातून झरे वाहायला लावले.
Marathi Bible: Easy-to-Read Version (ERV-MR)
2006 by Bible League International